പാലാ: കുടക്കച്ചിറ സെന്റ് ജോസഫ് പള്ളിയിലെ പുരോഹിതന്റെ മുറിയില്‍ നിന്നും മൂന്നു ലക്ഷം രൂപ കവര്‍ന്ന കേസില്‍ യുവാവ് പിടിയില്‍. പുല്ലുവഴി കുറുപ്പംപടി തേംബ്രായില്‍ അനില്‍(36) ആണ് പിടിയിലായത്. നിരവധി പള്ളികളില്‍ മോഷണം നടത്തിയ കേസില്‍ അനില്‍ പ്രതിയാണ്. പള്ളികള്‍ കേന്ദ്രീകരിച്ച് മോഷണം നട്തതുന്നവരെക്കുറിച്ചുള്ള അന്വേഷണത്തിലാണ് അനില്‍ പിടിയിലായത്. മോഷണം നടന്ന ദിവസം ഇയാള്‍ കുടക്കച്ചിറ ഭാഗത്തുണ്ടായിരുന്നതായി മൊബൈല്‍ നമ്പര്‍ കേന്ദ്രീകരിച്ച് നടത്തിയ അന്വേഷണത്തില്‍ നിന്ന് വ്യക്തമായി. ആളില്ലാത്ത സമയത്ത് മുറിയുടെ വാതില്‍ കുത്തിത്തുറന്നാണ് അകത്തുകയറിയത്. സിഐ രാജന്‍ കെ അരമനയ്‌ക്കൊപ്പം എസ്‌ഐ അഭിലാഷ് …

ഈരാറ്റുപേട്ട: ജീവനക്കാരും യാത്രക്കാരും സാമൂഹികമാധ്യമങ്ങളിലൂടെ നടത്തിയ അഭ്യര്‍ത്ഥനയില്‍ താരമായി മാറിയ കെ.എസ്.ആര്‍.ടി.സി.യുടെ ആര്‍.എസ്.എസി. 140 വേണാട് ബസ് തിരിച്ചെത്തി. ആലുവയിലേക്കും പിന്നീട് കണ്ണൂരിലേക്കും മാറ്റിയ ബസ് ബുധനാഴ്ച പുലര്‍ച്ചെയാണ് ഡിപ്പോയിലെത്തിച്ചത്. വ്യാഴാഴ്ച രാവിലെ സര്‍വീസും ആരംഭിച്ചു. തിരികെ എത്തിച്ച ബസിന് ‘ചങ്ക് വണ്ടി’ എന്നു പേരിടുന്നതായി കെഎസ് ആര്‍ടിസി എംഡി ടോമിന്‍ ജെ. തച്ചങ്കരി പറഞ്ഞു. ചങ്ക് വണ്ടി എന്നെഴുതിയ ബോര്‍ഡ് സ്ഥാപിക്കാന്‍ഈരാറ്റുപേട്ട ഡിപ്പോയില്‍ അറിയിച്ചിട്ടുണ്ട്. ബസ് ആലുവായിലേക്ക് കൈമാറിയതിന് പിന്നാലെ ബസ് കണ്ടക്ടര്‍ കെ.എ. സമീറിന്റെ ഫേസ്ബുക്ക് കുറിപ്പിനൊപ്പം യാത്രക്കാരിയുടെ പരിഭവം പറച്ചിലും …

പാലാ : നാട്ടുകാരുടെ സഹകരണവും കെ.എസ്.ഇ.ബി. ഉദ്യോഗസ്ഥരുടെ കഠിന പരിശ്രമവും ഒത്തു ചേര്‍ന്നപ്പോള്‍ കൊച്ചിടപ്പാടി, മൂന്നാനി മേഖലകളില്‍ ദിവസങ്ങളോളം തടസ്സപ്പെട്ടു കിടന്ന വൈദ്യുതി പുന:സ്ഥാപിച്ചു. കാറ്റില്‍ ഈ മേഖലയിലെ മാത്രം 18ല്‍ പരം വൈദ്യുതിപോസ്റ്റുകള്‍ ഒടിഞ്ഞു വീഴുകയും നിരവധി പോസ്റ്റുകള്‍ നിലംപൊത്തുകയും ചെയ്തിരുന്നു. വന്‍ മരങ്ങള്‍ വേരോടെ കടപുഴകി വൈദ്യുതി ലൈനില്‍ വീണതോടെ ഗതാഗത തടസ്സവും വൈദ്യുതി തടസ്സവുംമൂലം ഈ മേഖല ഒറ്റപ്പെടുകയായിരുന്നു. ഇതോടെ വാര്‍ഡ് കൗണ്‍സിലര്‍ ടോണി തോട്ടത്തിന്റെ നേതൃത്വത്തില്‍ ജനകീയ കൂട്ടായ്മ മരം വെട്ടി മാറ്റാനുള്ള നടപടികള്‍ക്ക് തുടക്കം കുറിച്ചു. കെ.എസ്.ഇ.ബി. …

ഈരാറ്റുപേട്ട: ചുറ്റും കല്ലുകള്‍കൊണ്ടുതീര്‍ത്ത കുളംപോലെയാണ് മീനച്ചിലാറിന്റെ കൈവഴിയായ പെരിങ്ങളം ആറ്റിലെ ഒറവക്കയം. വെള്ളം ഒഴുകിവരുന്നതും പുറത്തേക്ക് ഒഴുകിപ്പോകുന്നതും കനാല്‍പോലെയുള്ള ഭാഗത്തുകൂടിയാണ്. പാറക്കെട്ടിനുളളില്‍ കിടക്കുന്നതിനാല്‍ എപ്പോഴും തണുത്തവെള്ളമാണിവിടെ. ഇരുപതടിയോളം താഴ്ചയുള്ള ഇവിടെ അപകടങ്ങള്‍ ഉണ്ടായിട്ടുണ്ടെങ്കിലും മരണം ആദ്യമാണ്. പൂഞ്ഞാര്‍- പെരിങ്ങുളം റൂട്ടില്‍ പൂഞ്ഞാറില്‍ നിന്ന് ഒരു കിലോമീറ്റര്‍ മാത്രമാണ് ഈ കയത്തിലേക്കുള്ള ദൂരം. ദിവസേന നിരവധിയാളുകള്‍ ഇവിടെ കുളിക്കാന്‍ എത്തുന്നുണ്ട്. അവധിക്കാലമായാല്‍ ദൂരസ്ഥലങ്ങളില്‍ നിന്നും കുട്ടികള്‍ കൂട്ടമായി എത്തും. കുളിക്കുവാനെത്തുന്നവര്‍ക്ക് നാട്ടുകാര്‍ അപകട മുന്നറിയിപ്പു നല്‍കാറുണ്ട്. ചൊവ്വാഴ്ച അപകടത്തില്‍പെട്ട നാല്‍വര്‍ സംഘത്തിനോടും നാട്ടുകാര്‍ കയത്തിന്റെ ഭാഗത്തോട്ട് …

ഈരാറ്റുപേട്ട: ബസ് തിരിച്ചുതരണമെന്ന ഫോണ്‍വിളി സാമൂഹികമാധ്യമങ്ങളില്‍ വൈറലായതോടെ ഈരാറ്റുപേട്ട ഡിപ്പോയില്‍ നിന്ന് ആലുവയിലേക്ക് കൊണ്ടുപോയ കെഎസ്ആര്‍ടിസി ബസ് തിരിച്ചുനല്‍കാന്‍ എംഡി ഉത്തരവിട്ടു. രണ്ടാഴ്ച മുമ്പാണ് ബസ് ആലുവ ഡിപ്പോയ്ക്ക് കൈമാറിയത്. ബസിലെ സ്ഥിരം യാത്രക്കാരിയായിരുന്ന യുവതി ആലുവ ഡിപ്പോ അധികൃതരെ ഫോണില്‍ വിളിച്ച് ബസ് കൊണ്ടുപോയതിനെതിരെ വികാരപരമായി സംസാരിച്ചു. ബസ് തിരിച്ചുനല്‍കണമെന്ന് അഭ്യര്‍ത്ഥിക്കുകയുെ ചെയ്തു. ബസ് ആലുവയിലേക്ക് മാറ്റിയതായി കാണിച്ച് കണ്ടക്ടര്‍സമീര്‍ നേരത്തെ ഫെയ്‌സ്ബുക്കില്‍ പോസ്റ്റു ചെയ്തിരുന്നു. തുടര്‍ന്നാണ് യുവതി ആലുവഡിപ്പോയിലേക്ക് ഫോണ്‍ ചെയ്യുന്നത്. ഈ ഫോണ്‍വിളിയാണ് വൈറലായത്. കെഎസ്ആര്‍ടിസി എംഡിയായി ചുമതലയേറ്റ ടോമിന്‍ …

പാലാ: സ്റ്റാന്‍ഡില്‍ നിന്ന് പുറത്തേക്കിറങ്ങിയ ബസ് സ്ലാബ് തകര്‍ന്ന് ഓടയില്‍ വീണതിനെ തുടര്‍ന്ന് ടൗണില്‍ ഗതാഗത കുരുക്ക്. കിങ്കളാഴ്ച വൈകുന്നേരം അഞ്ചിനാണ് സംഭവം. മഹാറാണി തിയറ്ററിനുമുന്നിലാണ് അപകടമുണ്ടായത്. കനംകുറഞ്ഞ സ്ലാബുകളായിരുന്നു. അരമണിക്കൂറോളം ഗതാഗതകുരുക്കുണ്ടായി.

ഈരാറ്റുപേട്ട: ജമ്മു കശ്മീരില്‍ പീഡനത്തിനിരയായി കൊല്ലപ്പെട്ട കുട്ടിക്ക് നീതി ഉറപ്പാക്കണമെന്നാവശ്യപ്പെട്ട് സാമൂഹിക മാധ്യമങ്ങളിലൂടെ പ്രചരിച്ച ഹര്‍ത്താലിന്റെ ഭാഗമായി കടകള്‍ അടപ്പിച്ച 19പേരെ ഈരാറ്റുപേട്ട പൊലീസ് അറസ്റ്റ് ചെയ്തു. അനധികൃതമായി സംഘം ചേര്‍ന്നതിനും ഗതാഗത തടസം സൃഷ്ടിച്ചതിനും ഇവര്‍ക്കെതിരെ കേസെടുത്തതായി സിഐ സി ജി സനില്‍ അറിയിച്ചു. ഹര്‍ത്താലില്‍ പങ്കെടുക്കണമെന്നാവശ്യപ്പെട്ട് തിങ്കളാഴ്ച രാവിലെ മുതല്‍ ഹര്‍ത്താലനുകൂലികള്‍ രംഗത്തെത്തിയിരുന്നു. ഇതേത്തുടര്‍ന്ന് തിങ്കളാഴ്ച രാവിലെ 11ന് ഏതാനും കടകള്‍ അടപ്പിച്ചു. അതിനുശേഷം വീണ്ടും കടകള്‍ തുറന്നു. തുടര്‍ന്ന് ഉച്ചകഴിഞ്ഞ് രണ്ടുമണിയോടെ കടകള്‍ അടയ്ക്കണമെന്ന ആഹ്വാനവുമായി ഏതാനും പേര്‍ രംഗത്തെത്തി. …

ഭരണങ്ങാനം: ഭരണങ്ങാനം പഞ്ചായത്തിലെ പാമ്പൂരാംപാറയില്‍ കാറ്റിലും മഴയിലും മരങ്ങള്‍ വീണ് ആറുവീട് ഭാഗികമായി തകര്‍ന്നു. നൂറുകണക്കിനു റബ്ബര്‍മരങ്ങളും പ്ലാവ്, തെങ്ങ് തുടങ്ങിയ മരങ്ങളും ഒടിഞ്ഞുവീണു. അരീക്കാട്ട് ജെസ്സി വിന്‍സെന്റ്, വാലുപാറ ഫ്രാന്‍സിസ്, പടവില്‍ ഏലിക്കുട്ടി, അന്നക്കുട്ടി കിഴക്കേമുറി, ചാലാവീട്ടില്‍ ബോബി എന്നിവരുടെ വീടുകളാണ് ഭാഗികമായി തകര്‍ന്നത്. ഇഞ്ചയില്‍ രാധാമണിയുടെ വീടിനുമുകളില്‍ വൈദ്യുതിത്തൂണ് തകര്‍ന്നുവീണ് നാശമുണ്ടായി. പാമ്പൂരാംപാറയില്‍ ആറു വൈദ്യുതിത്തൂണ്‍ മറിഞ്ഞുവീണു. പുത്തേട്ട് വക്കന്‍, മൂക്കന്‍തോട്ടത്തില്‍ ജോസ്, കുറിച്ചിയില്‍ തോമ്മാച്ചന്‍, മണ്ണൂര്‍ മാമ്മച്ചന്‍, പുരയിടത്തില്‍ ബൈജു, അരീക്കാട്ട് വിന്‍സെന്റ് എന്നിവര്‍ക്കാണ് കൃഷിനാശമുണ്ടായത്. പഞ്ചായത്തംഗം അനുമോള്‍ മാത്യുവിന്റെ …

ഈരാറ്റുപേട്ട:നഗരസഭാ കൗണ്‍സില്‍ യോഗത്തില്‍ ബഹളംവെയ്ക്കുകയും രേഖകള്‍ നശിപ്പിക്കാന്‍ ശ്രമിക്കുകയും ചെയ്ത കൗണ്‍സിലര്‍ പി.എച്ച്.ഹസീബിനെ രണ്ട് കൗണ്‍സില്‍ യോഗങ്ങളില്‍നിന്ന് ചെയര്‍മാന്‍ ടി.എം.റഷീദ് സസ്പെന്‍ഡ് ചെയ്തു. കഴിഞ്ഞ ഏതാനും ദിവസങ്ങളായി നഗരസഭാ കൗണ്‍സില്‍ യോഗം ബഹളം മൂലം അവസാനിപ്പിക്കേണ്ട സ്ഥിതിയായിരുന്നു. വികസനസമിതി യോഗം ചേര്‍ന്നതില്‍ ക്രമക്കേട് ഉന്നയിച്ചാണ് കൗണ്‍സില്‍ യോഗങ്ങളില്‍ ബഹളം തുടങ്ങിയത്. കുടുംബശ്രീയിലേയ്ക്ക് വനിതാ കൗണ്‍സിലര്‍മാരെ തിരഞ്ഞെടുത്തതുമായി ബന്ധപ്പെട്ടാണ് പ്രശ്നങ്ങളുണ്ടായത്. കഴിഞ്ഞ കൗണ്‍സില്‍ യോഗത്തില്‍ അഞ്ച് കൗണ്‍സിലര്‍മാരെ തിരഞ്ഞെടുത്തിരുന്നു. ഇത് മിനിട്സില്‍ രേഖപ്പെടുത്തിയതായി യു.ഡി.എഫ്. പറയുന്നു. എന്നാല്‍ ചെയര്‍മാന്‍ ഏകപക്ഷീയമായി പിന്നീട് ജനപക്ഷം കൗണ്‍സിലറായ ബല്‍ക്കീസ് …

പാലാ: മുത്തോലി ഗ്രാമപ്പഞ്ചായത്ത് പതിമൂന്നാം വാര്‍ഡില്‍ നടന്ന ഉപതിരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ഥി ജയിച്ചു. കേരള കോണ്‍ഗ്രസിനെ രണ്ടാംസ്ഥാനത്തേക്ക് തള്ളിയാണ് വാര്‍ഡ് കോണ്‍ഗ്രസ് നിലനിര്‍ത്തിയത്. കോണ്‍ഗ്രസ് പ്രതിനിധിയായിരുന്ന പഞ്ചായത്തംഗം ലിസ്സി തോമസ് വാഹനാപകടത്തില്‍ മരിച്ചതിനെത്തുടര്‍ന്നാണ് ഉപതിരഞ്ഞെടുപ്പ് നടന്നത്. ലിസ്സി തോമസിന്റെ മകള്‍ ജിസ്മോള്‍ തോമസ്സാണ് വിജയിച്ചത്. 117 വോട്ടിന്റെ ഭൂരിപക്ഷമുണ്ട്. ജിസ്മോള്‍ തോമസിന് 399 വോട്ടും തൊട്ടടുത്ത കേരള കോണ്‍ഗ്രസ് എം. സ്ഥാനാര്‍ഥി സില്‍വി മനോജിന് 282 വോട്ടും ലഭിച്ചു. ബി.ജെ.പി. സ്ഥാനാര്‍ഥി ഉഷ ബാബുവിന് 40 വോട്ടും എല്‍.ഡി.എഫ്. സ്ഥാനാര്‍ഥി അനിതാ തങ്കച്ചന് 38 …